موضوع خاص بموظفي المفوضية العليا المستقلة للانتخابات

السلام عليكم جميعا
اخوان عندي سؤال اريد منمكم الاستفسار
احنا بمركزنا ولا واحد عندو خدمة سنة كاملة يعني راح يغلقون مركزنا ولا ايش

وين الكتاب------------كل كلام غير صحيحةمع الاحترام لكل------------

اي حبي ماكو احد عندة سنه يمكن بوكت الانتخابات راح يخلونه على الثقه ماكو موظفين يعني على الثقه مال الناخب هههههههههههههههههههههههههه ترة اشاقه

ياربب ماتفرجه وتفرحنه ياربي بجاه محمد وال محمد

من اتى وكتابه في يمينه هؤلاء هم الفائزون

السلام عليكم جميعا
اخوان عندي سؤال اريد منمكم الاستفسار
احنا بمركزنا ولا واحد عندو خدمة سنة كاملة يعني راح يغلقون مركزنا ولا ايش

والله الشغله كلهه بيديهم يكدرون من اللحظه يعينونه بس شنكول ياسامر الع

السلام عليكم ورحمةالله وبركاته....
(نصف الصبر الايمان)...
طبعا بدون شك اكثرية النواب يصوت على حل المفوضية لانه الكتل دولة القانون مصير على حل المفوضية .ولا يجوز وجود المفوضية بدون اتفاقات الكتل السياسية من الصغير الى الكبير......

السؤال من هنا ...هل تأثر حل المفوضية على الموضف المراكز التسجيل ؟ام فقط تاخير التثبيتنا!!

شكرا للمشاركات....

16/5/2011 الموعيد العطلة المجليس النواب حتى 16/6/2011

السلام عليكم
اخوتي الاكارم
في الوقت الذي بدئت تتحلحل عقدة تثبيتنا اهيب بالاخوة الاعزاء في بغداد الحبيبة واخص بالذكر الاخ علي عباس البوهدمة على التحرك في سبيل تنظيم مظاهرة يوم الاثنين القادم لما لها من اهمية كبيرة في تذكير النواب بقضيتنا وبالاخص السيد اسامة النجيفي حتى يتم التصويت على قرار اللجنة القانونية في يوم الثلاثاء وحسم الامور بالسرعة الممكنة

اخواني السلام عليكم
طرح في الاونة الاخيرة خبر ان سوف يتم مناقلة موظفي المفوضية الى الوزارات وكان هناك اعتراض لبعض الاخوة وهو حق مشروع ولكن يا اخوتي ومن باب الحرص على ارزاقنا اذا بقينا مصرين على عدم مناقلة درجاتنا فإن هناك مؤامرة تحاك وهي ابقاء الدرجات وتغيير الموظفين بحجة عدم النزاهة والخ من حجج وسوف لا نحظى لا بهذه ولا بتلك وانا اقول على الاخوة جميعا التفكير في كلام فرج الحيدري عندما قال كل الموظفين عقود وكل شئ قابل للتغيير واللبيب من الاشارة يفهم وانا اول شخص اعلن عن موافقتي على النقل على وزارات الدولة وترك هذه المؤسسة المتهاوية على السقوط بسب مناطحة الكتل على جدرانها وجعلها مؤسسة هشه معرضة للنسف في اي لحظة ،،هذا رأيي بالموضوع ولكم التعليق

اخوان احنه شغلتنه يرادلها مظاهرة ثانيه بجميع المحافظات حته ماينسونه النواب ويكونون على يقين بانو احنه ماراح نسكت عن حقنه وراح نبقه نطالب بتطبيق القانون وحته نكسب الرئ العام ويصير تثبيتنه مطلب جماهيري لان اذا سكتنه راح تبرد الشغله وتتاخر اشهر ------اومن باب ثاني حته مايبقه النائب صباح الساعدي يطالب بتثبيتنه وحده اقل شي نسوي لزم نسنده بالمظاهرات حته يكدر يطالب بقوه هوه وباقي النواب الشرفاء

اسف على الخطاء النواب وليس النزاب اسف تعرفون اعصابنه مشدوده ومانكدر انركز من كثر الاخبار الي تلعب بعصابنه -----تحياتي للجميع

احمد اللهيبي1 كتب:

اخواني السلام عليكم
طرح في الاونة الاخيرة خبر ان سوف يتم مناقلة موظفي المفوضية الى الوزارات وكان هناك اعتراض لبعض الاخوة وهو حق مشروع ولكن يا اخوتي ومن باب الحرص على ارزاقنا اذا بقينا مصرين على عدم مناقلة درجاتنا فإن هناك مؤامرة تحاك وهي ابقاء الدرجات وتغيير الموظفين بحجة عدم النزاهة والخ من حجج وسوف لا نحظى لا بهذه ولا بتلك وانا اقول على الاخوة جميعا التفكير في كلام فرج الحيدري عندما قال كل الموظفين عقود وكل شئ قابل للتغيير واللبيب من الاشارة يفهم وانا اول شخص اعلن عن موافقتي على النقل على وزارات الدولة وترك هذه المؤسسة المتهاوية على السقوط بسب مناطحة الكتل على جدرانها وجعلها مؤسسة هشه معرضة للنسف في اي لحظة ،،هذا رأيي بالموضوع ولكم التعليق

اخ احمد اني هم ذكرت قبلك علواه يناقلونه على اي وزارة لان مستحيل تصير ديمقراطية بالعراق وبالتالي هاي الهيئات تكون عرضه للمهاترات السياسية يعني احنا بعدنا ما متعينين وشيبونا لو نتعيين الا يطلعون الراتب من خشمنا وانصير احنا النخله مالتهم يومية هزي سعفج يا نخلة هسة خل يناقلونا وينهم بس لا يطلعونا من المولد بلا حمص عمي احنا انكلهم والله اذا متردون تعينونا عالمفوضية عينونا باي وزارة احنا نكلهم بس خلي يفضونه مو ما ضل صبر بعد يا برلمان يا رئيس الوزراء اذا متردونا بالمفوضية ناقلونا الى اي وزارة بعد شنو حجتكم يمعودين دخيل الله

السلام عليكم اجمعين المكملين سنة والمامكملين
اسال الله ان يكون بعونكم اجمعين المصدكين بالكتاب والمامصدكين
واساله ان يصلي على محمد واله الميامين
وينتقم من الي اخر اطلاق درجاتنا وخلانة حدايق وناكل بالدين

اما بعد ........... فحل مشكلتنه مو يم الحكومة او النواب المساكين
بل هيه يم فرج الحيدري والعبودي والشلة التعبانين
لانهم ما مشو عدل ويه السيد رئيس مجلس الوزراء واصحابة المنتجبين
وما قدمو الطاعة اله مثل باقي رؤساء الهيئات ""المستقلين ""
بل عاندووه وكالوله احنه مانمشي بكيفك احنه حقنا كافلة الدستور والدين
فاليوم لو ياخذون مشية جبيرة وينطونه فصل عن احجايتهم هذي صدكو صدكو "احسبونه من اليوم متعينين

[هذا حال المايسمع كلام ماما وبابا

اجيت انشد عن الطيبين اريد اسمع خبر منهم

لكيت الربع مشدوهين بكتاب الي واصلهم

تالي بوخه هالاخبار طلعت موش منعدهم

طلع من زمرة متعودين ياذون الي يأمنهم

طبعا مع كبير احترامي لكل اخوتي بالمنتدى او الذين يتعبون لايصال الاخبار المفرحه لنا

بس شنسوي نكتب مشاركات احسن ما نشرب جكاير
ونشرب جكاير احسن مانشرب " خمرة " ونشرب "خمرة " احسن ما نفعل حرام

ونفعل حرام احسن ما " نكطع ارزاق الوادم

اريد اسأل سؤال اليوم .......... ليش السادة ماذينه *
* السادة : اقصد بيهم الناس الي اوقفت اطلاق درجاتنا ..... و معنى : ماذينه" هو : إمأذيننا احنه .

اريد أسأل سؤال اليوم .......... ليش السادة ماذينه

قابل "بعث" محسوبين .......... لو "قاعدة" مخلينه ؟؟

عمي تره احنه عراقيين ....... من جد او ابو إمأصلينه

موش الفوه عبالك ......... ولا من باع اخرته وترك دينه

يا موظف مركز التسجيل
حقه افلان ميريدك ....... لان انت عزيز وما ترضه بالذله

وحقه افلان ميريدك ..... لأن انت تريد الوطن واحد محد ايفله

وحقه افلان ميريدك ..... لأن انت تريد الدين صاحي ومحد إيسله

وحقه افلان ميريدك ..... لأن انت شريف وللباطل اتكله < يعني اتكله للباطل انت باطل >

وحقه افلان ميريدك ...... لأن انت تخاف الله او هوه يفعل "الفعله "

وحقه افلان ..... وحقه افلان .........وحقه افلان ......وحقه افلان .......................................ززز

من رخصتكم اروح اصلي فرض العصر

ادعولنا بالقبول وصلوا على محمد وآل محمد لأن هي الذخر

اميييييييييييين

السلام عليكم اخواني
ماكو اخبار جديده تفرحنه شويه